ఎండోమెట్రియోసిస్ ప్రారంభ దశలో ఉన్నప్పుడు చాలా మందిలో ఏ విధమైన ఇబ్బందీ ఉండదు. కొద్దిమందిలో ప్రతినెలా వచ్చే నెలసరి నెప్పి తీవ్రత నెలనెలకూ అధికమవుతుంది. పొత్తికడుపులో నెప్పి, నడుము నెప్పి ఉండటం, అధిక రక్తస్రావం జరగటం, సంభోగ సమయంలో నెప్పి కలగటం, నెలసరి వచ్చేందుకు నాలుగైదు రోజుల ముందు కొద్దికొద్దిగా బ్లీడింగ్ కనిపించిన తరువాత రుతుక్రమం జరగటం వంటి లక్షణాలు ఎండోమెట్రియోసిస్కు సంబంధించినవిగా గుర్తించవచ్చు.

పిల్లలులేని దంపతులలో సగంమందికి పురుషుల్లో వీర్యకణాల్లో లోపం మాత్రమే ఉంటుంది. వీర్యకణాల సంఖ్య 20 మిలియన్ల కన్నా తక్కువగా ఉండటం. వీటిలో కదలికలు ఉండే కణాలు 50 శాతం కన్నా తక్కువగా వుండటం, ముందుకు కదిలే వీర్యకణాలు 25 శాతం కన్నా తక్కువగా ఉండటం, సారూప్యత కలిగిన వీర్యకణాలు 30 శాతం కన్నా తక్కువగా ఉండటం వంటి కారణాల వలన స్త్రీలలో ఎటువంటి లోపం లేకపోయినప్పటికీ మామూలుగా గర్భిణీ వచ్చే అవకాశాలు ఉండవు.

సంతానలేమి ఒక లోపమా…? సంతానలేమి ఒక లోపమే! పెళ్ళయిన తర్వా త ఒక సంవత్సరకాలం పాటు కలసికాపురం చేస్తున్నా పిల్లలు పుట్టలేదంటేవారిలో ఏదోఒక లోపం ఉన్నట్లుగా అనుమానించవలసివస్తుంది. పిల్లలు పుట్టకపోవడం శాపం కాదు, ఒక లోపం మాత్రమే! అందుకే- ఒక ఏడాది కాలంగా కలసికాపురం చేస్తున్నా పిల్లలు కలగని దంపతులు వెంటనేవైద్య నిపుణులను సంప్రదించి తమలో లోపాలేమైనా ఉన్నా యేమో తెలసుకోవాలి. పిల్లలు పుట్టకపోవడానికి భార్యా భర్తలు ఇద్దరిలోనూ లోపాలు ఉండవచ్చు .